Adrian Bajrami nuk do të jetë më pjesë e Shqipërisë, zgjedh Zvicrën

Mbrojtësi Adrian Bajrami, i thirrur fillimisht nga trajneri Silvinjo për ndeshjet e ardhshme të Kombëtares shqiptare, ka vendosur të ndryshojë përfaqësim dhe të luajë për Zvicrën. [caption id="attachment_26698" align="alignnone" width="1024"] Kombëtarja[/caption] Ky zhvillim sjell një mungesë të papritur për kuqezinjtë, të cilët po përgatiten për sfidat kundër Gjibraltarit dhe Letonisë. FSHF ka njoftuar disa edhe për disa ndryshime tjera, për shkak dëmtimit mungon edhe Ernest Muçi. Në listën e publikuar nga trajneri Silvinjo, rikthehet mesfushori Enis Çokaj, ndërsa për herë të parë janë grumbulluar Cristian Shpendi në repartin e sulmit dhe qendërmbrojtësi Maldini Kacurri. Adrian Bajrami Mbrojtësi Adrian Bajrami ka njoftuar Federatën Shqiptare të Futbollit se ka vendosur të përfaqësojë kombëtaren e Zvicrës. Ky vendim vjen pak ditë para ndeshjeve të Shqipërisë kundër Gjibraltarit dhe Letonisë, i cili ishte i përfshirë në listën e lojtarëve të grumbulluar. Futbollisti 23-vjeçar, i cili ka luajtur më herët me ekipet kombëtare U19 dhe U21, është aktivizuar në tre miqësore me përfaqësuesen kuqezi. Për shkak se nuk ka luajtur ende në ndeshje zyrtare, Bajrami kishte të drejtën të ndërronte Kombëtaren. Ky vendim mbyll një kapitull të shkurtër të mbrojtësit me Shqipërinë, ndërsa përpara tij hapet tashmë një mundësi e re me Zvicrën. Kombëtarja shqiptare, nga ana tjetër, do të vazhdojë përgatitjet me grupin aktual për dy sfidat e radhës.