FC Metalist 1925 ka zyrtarizuar transferimin e sulmuesit të Kosovës, Baton Zabërgja. Futbollisti 24-vjeçar ka nënshkruar kontratë 3+1 vjeçare me klubin ukrainas dhe do të mbajë fanellën me numrin 72.
Zabërxha e nisi karrierën e tij te skuadra e vendlindjes, Vushtrria, për të vazhduar më pas te Drenica dhe Gjilani.
Në verën e vitit 2023, ai kaloi te Dinamo City në Shqipëri, ku zhvilloi 83 ndeshje, duke realizuar 23 gola dhe dhënë 18 asistime.
Me Dinamo City ai fitoi Kupën e Shqipërisë në sezonin 2024/2025 dhe u zuri vendin e tretë në kampionat.
Në qershor të këtij viti, Zabërgja debutoi edhe me Kombëtaren e Kosovës, duke luajtur titullar në miqësoren kundër Armenisë.
Me kalimin te Metalist 1925, sulmuesi kosovar synon të bëjë hapin e radhës në karrierën e tij dhe të lërë gjurmë në futbollin ukrainas.
