Bayern Munich vazhdoi formën e jashtëzakonshme në Bundesligë, duke mposhtur bindshëm Werder Bremenin me rezultat 4:0.
Bavarezët treguan forcën e tyre edhe një herë dhe konfirmuan pse mbeten favoritët kryesorë për titullin kampion.
Skuadra e Company arriti fitoren e pestë radhazi në kampionat, duke mbajtur vendin e parë në tabelë me pikë të plota – 15 nga 15 të mundshme.
Harry Kane ishte sërish protagonist i madh, duke realizuar dy gola.
Krahas tij, Konrad Laimer dhe Luis Diaz shënuan nga një gol për të kompletuar fitoren e thellë.
Me këtë rezultat, Bayern Munich jo vetëm që ruan kryesimin, por edhe dërgon një mesazh të qartë rivalëve për luftën e titullit.
