Gjilani – Dukagjini: Gjilanasit nuk kan fituar si vendas nga viti 2022

Të martën, Gjilani pret Dukagjinin në kuadër të Superligës së Kosovës, në një përballje që sjell një histori të pasur takimesh, por edhe sfida të rëndësishme për dy skuadra që kërkojnë konsolidim në renditje. Gjilani kërkon rikthimin te fitorja në shtëpi dhe përmirësimin e statistikave direkte ndaj Dukagjinit, ndërsa mysafirët synojnë t’i japin fund serisë negative. E diela pritet të sjellë një përballje të luftuar, ku forma momentale dhe qëndrueshmëria psikologjike mund të jenë vendimtare. Bilanci historik (prej vitit 2019):Në 21 përballje të zhvilluara mes dy skuadrave që nga viti 2019, Gjilani ka dalë fitues në 10 raste, Dukagjini ka shënuar 5 fitore, ndërsa 6 ndeshje janë mbyllur pa fitues.Interesant mbetet fakti se në pesë takimet e fundit, Dukagjini ka fituar tri ndeshje, ndërsa Gjilani vetëm një. Ndërsa dy ndeshje janë përfunduar pa humbje për gjilanasit. Gjilani në këtë edicion:Skuadra e Gjilanit ka grumbulluar 11 pikë në 10 ndeshje – me 3 fitore, 2 barazime dhe 5 humbje, ndërsa ka një golaverazh negativ prej 10:15. Në shtëpi, gjilanasit kanë shënuar vetëm një fitore, ndaj Prishtinës, ndërsa janë mposhtur nga Drita, Malisheva dhe Drenica. Dukagjini në këtë edicion:Skuadra nga Klina ka një start më të mirë me 14 pikë, falë 4 fitoreve, 2 barazimeve dhe 4 humbjeve. Golat e shënuar dhe të pësuar janë të barabartë (13:13), por forma e fundit nuk është optimiste – 3 humbje dhe 1 barazim në katër ndeshjet e fundit. Në pesë udhëtime si mysafir, Dukagjini ka triumfuar vetëm ndaj Malishevës dhe ka barazuar në Skenderaj, duke pësuar humbje në tri ndeshjet e tjera. Përballjet direkte në Gjilan:Gjilani nuk ka fituar si vendas ndaj Dukagjinit që nga viti 2022. Në katër ndeshjet e fundit në terrenin e vet, ka regjistruar tri barazime dhe një humbje. Debatik Curri: Statistikat frymëzojnë, por fusha vendos Trajneri i Gjilanit, Debatik Curri, në deklaratën para ndeshjes, u shpreh i kënaqur me paraqitjen e fundit ndaj Ballkanit, pavarësisht humbjes në fund të takimit: “Gjilani ka treguar lojë të mirë kundër ekipeve të forta. Paraqitja me Ballkanin më gëzoi, edhe pse pësuam në fund. Ky është futbolli – edhe pranimet e golave janë pjesë e lojës. Jemi në gjendje të mirë dhe nuk kemi problem me motivimin.” Curri shtoi se do të ketë pak ndryshime në formacion, në varësi të gjendjes fizike të lojtarëve: “Nuk kam ankesa për fondin e futbollistëve. Ka disa lëndime që na penalizojnë për më shumë rotacion, por kryesisht do të aktivizohen ata që kanë luajtur në dy ndeshjet e fundit.” “Kemi një përballje mjaft të vështirë ndaj një kundërshtari siç është Dukagjini dhe, pavarësisht humbjes në ndeshjen e fundit, çdo kundërshtar e ka të vështirë ta mposhtë atë. Më gëzon fakti që jemi në gjendje të mirë dhe nuk kemi problem me motivimin e futbollistëve”, ka deklaruar për përballjen e nesërme me Dukagjinin. [caption id="attachment_33515" align="alignnone" width="1024"] Gjilani - Dukagjini gjyqtarët[/caption] https://kerlacki.com/albimall-superliga-ne-mesjave-derbi-ne-podujeve/