Mbappé kërkon falje për komentet e tij të pakëndshme
Kylian Mbappé ka reaguar ndaj reagimeve të forta që shkaktuan fjalët e tij mbi një meme të internetit. Në një deklaratë të dhënë për agjencinë e lajmeve AFP, sulmuesi i Real Madridit kërkoi falje nga ata që ndihen të lënduar nga shprehjet e tij.
„Më vjen keq për të gjithë ata që i kanë marr fjalët e mia si ofenduese. Kjo nuk ka qenë aspak qëllimi im,“ deklaroi francezi.
Mbappé theksoi gjithashtu se respekton popullin kinez dhe historinë e tij. Kjo situatë e ndijshme ka lindur pas një diskutimi në podcastin “The Bridge”, ku futbollisti përmendi një meme që bashkonte fytyrën e tij me imazhin e Mao Zedongut. Gjatë diskutimit, ai e quajti atë një “diktator kinez”.
Sponsorizuesit tërhiqen, La Liga reagon
Pas deklaratave të tij, disa kompani si Dongpeng, Mengniu dhe Milkground vendosën të ndërpresin bashkëpunimin me lojtarin. Po ashtu, kanali shtetëror kinez CCTV pezulloi transmetimet e La Ligës dhe tërhoqi materialet reklamimi që përfshinin Mbappé.
Liga spanjolle gjithashtu publikoi një kërkesë faljeje, duke theksuar se futbollisti ka folur në emrin e tij personal. „Në kuadër të përgjegjësisë sonë institucionale, kërkojmë falje në emër të La Ligës dhe të gjithë klubeve të saj,“ thuhej në deklaratën e tyre.
Organizata njoftoi se po bashkëpunon me partnerët e saj në Kinë për të sqaruar situatën. Për më tepër, ajo shpalli se do të punojë së bashku me klubet dhe lojtarët për të krijuar rregulla komunikimi dhe masa edukative për një trajtim të respektueshëm ndaj kulturave të ndryshme.
