Luis Diaz është bërë blerja e tretë më e shtrenjtë në historinë e Bayern Munich
Luis Diaz i treti, në krye të listës qëndron sulmuesi anglez Harry Kane, i cili iu bashkua klubit gjerman për 95 milionë euro nga Tottenham. I dyti në renditje është mbrojtësi francez Lucas Hernandez, i transferuar në vitin 2019 nga Atletico Madrid për 80 milionë euro.
Sot, Bayern ka zyrtarizuar afrimin e kolumbianit Luis Diaz nga Liverpool për një shumë prej 70 milionë eurosh.
Diaz futet në mesin e niveleve më të larta financiare dhe sportive, si për Bayern ashtu edhe për Liverpool, duke nisur një kapitull të ri në karrierën e tij – dhe duke lënë mjaft hapësirë për të diskutuar për rolin dhe pritshmëritë e tij në një ekip gjigand gjerman.
Bayern e konsideronte atë si zgjidhje kryesore pas largimit të Leroy Sane dhe „pensionimit“ të Thomas Müller, por me bonuset e shtuara edhe për shkak të mungesës së Jamal Musiala për disa ndeshje.
Liverpool fitoi përfitime të rëndësishme financiare dhe tenton të përdorë shumën për të tentuar nënshkrimin e Alexander Isak nga Newcastle, me një buxhet që mund të arrijë deri në £130–150 milionë
Diaz, 28 vjeç, ka arritur paraqitje të spikatura me Liverpool (103 ndeshje, 29 gola; ose sipas FC Bayern: 148 paraqitje me 41 gola dhe 23 asistime) dhe me përvojë në Premier League, Copa Libertadores dhe skuadrën kombëtare të Kolumbisë (64 ndeshje, 19 gola)
Diaz ishte transferuar nga Porto për rreth 45 milionë euro në 2022 në Liverpool, tani për 70–75 milionë euro në Bayern.
“Me Luis Diazin kemi sjellë një nga më të mirët në pozicionin e krahut të majtë në Premier League… falenderojmë Liverpoolin për negociatat e ndershme dhe serioze”, ka thënë Jan-Christian Dreesen (CEO i Bayern).
“Ai është lojtar me përvojë dhe cilësi të madhe, që do të ndihmojë menjëherë skuadrën”, ka thënë Max Eberl drejtues sportiv i bavarezëve.
