Alexis Mac Allister ishte sërish hero për Liverpoolin, duke i dhënë fitoren 1-0 ndaj Real Madridit me një gol të fuqishëm me kokë në pjesën e dytë, në një përballje të zjarrtë në “Anfield”. Kjo ishte hera e dytë radhazi që argjentinasi shënon kundër “Los Blancos” në Ligën e Kampionëve.
Pavarësisht mungesës në formacion të Trent Alexander-Arnold në nisje, Liverpool e nisi më mirë sfidën. Szoboszlai dhe Mac Allister testuan Courtois, i cili shpëtoi Realin disa herë në pjesën e parë. Momenti më i diskutueshëm erdhi në minutën e 33-të, kur VAR ndërhyri për të rrëzuar një penallti të akorduar fillimisht ndaj Tchouaménit për prekje me dorë.
Në pjesën e dytë, skuadra e Arne Slot shpërtheu. Van Dijk dhe Ekitike patën dy raste të rrezikshme me kokë, por ishte Mac Allister ai që theu rezistencën me një goditje të pakapshme pas një krosimi perfekt nga Szoboszlai. Me këtë gol, ai arrin kuotën e tre golave në fazën finale të Champions-it, dy prej të cilëve kundër Realit.
Alexander-Arnold u rikthye në minutën e 81-të, por u prit me fishkëllima nga tifozët. Courtois vazhdoi të mbante gjallë shpresat për barazim duke pritur një goditje të Gakpos, por pa sukses për madrilenët. Kjo ishte fitorja e parë e dytë radhazi për Liverpoolin që prej serisë së shtatë fitoreve të ndërprera në shtator ndaj Crystal Palace. Nga ana tjetër, Real Madrid konfirmon vështirësitë kundër klubeve angleze, me vetëm dy fitore në 10 përballjet e fundit (3 barazime, 5 humbje).
Një fitore e madhe për Liverpoolin që ringjall ambiciet europiane.
