Serie A ka 127 vjet që ekziston. Askush nuk ka bërë atë që bëri sonte Modriç

Luka Modriç debutoi si titullar për Milanin në ndeshjen hapëse të sezonit të ri të Serie A kundër Cremoneses.

Me këtë paraqitje, Modriç në moshën 39 vjeç, 11 muaj e 14 ditë, shkroi histori në futbollin italian duke u bërë debutuesi më i vjetër ndonjëherë në Serie A.

Rekordin e mëparshëm e mbante portieri Maurizio Pugliesi, i cili debutoi për Empolin në vitin 2016 në moshën 39 vjeç e gjashtë muaj.

Kujtojmë se Modriç iu bashkua Milanit këtë verë pas 13 vitesh te Real Madridi. Me klubin madrilen ai fitoi gjithçka që mund të fitohet, përfshirë edhe Topin e Artë si futbollisti më i mirë në botë për vitin 2018.