Java e parë e sezonit të ri në Ligën e Parë të Kosovës ka nisur me ritëm të lartë dhe efikasitet mbresëlënës. Në 9 takime u shënuan plot 32 gola, me një mesatare prej 3.5 golash për ndeshje – një tregues shumë pozitiv për fillimin e kampionatit.
E vetmja skuadër që nuk arriti të realizojë ishte KEK-u, që u mposht me rezultat 2-0 nga Kika. Ndërkohë, Suhareka shkëlqeu në debutim duke realizuar pesë gola në portën e Vjosës, duke u bërë ekipi më produktiv i javës. Edhe Trepça fitoi bindshëm me tre gola epërsi ndaj Istogut, 4-1.
Spektakël pati edhe në derbin e zhvilluar në Gjakovë ku sikurse në Suharekë u shënuan 6 gola, ku Vëllaznimi përmbysi Feronikelin 74 me rezultat 4-2, në një ndeshje ku spikatën disa paraqitje individuale.
Ndërsa fitoren e vetëm si mysafire e ka arritur ndër favoritët kryesor, Liria në Pejë kundër Rilindjës 1974.
Në këtë fillim kampionati duhet vlerësuar edhe dygolëshin e Ani Keneth të Trepçës kundër Istogut dhe Arjol Bllacës të Ramiz Sadikut kundër 2 Korrikut në derbin e kryeqendrës.
Fakt interesant është edhe debutimi i dy skuadrave në Ligën e Parë, të cilat nuk pësuan duke luajtur baras me skuadra më të favorizuara, Prizreni në “Përparim Thaçi” ndaj Trepçës ’89 dhe Tefik Çanga në derbin lokal ndaj vendasve shumë me më përvojë, Dinamos.
Rezultatet e javës së parë
Prizreni – Trepça ’89 1-1
Golat: Godwin Chibueze – Qerimi
Trepça – Istogu 4-1
Anni Kenneth (2), Padu Carvalho, Sylas Gabriel – Shkodran Muqolli
Ramiz Sadiku – 2 Korriku 2-1
Arjol Bllaca (2) – Labinot Jetullahu
Vëllaznimi – Feronikeli 74 4-2
Sinan Kadiri, Bleon Sekiraqa, Besfort Dervishaj, Ardi Shala – Kreshnik Bahtiri, Ibrahim Cervadiku
Besa – Vushtrria 1-1
Fatlum Gashi – Ebrima Jatta
Kika – KEK-u 2-0
Harbin Reçica, Erduan Ibrahimi
Suhareka – Vjosa 5-1
Drilon Sadiku, Ermir Abazi, Destan Bytyqi, Arbër Deliu, Liburn Shala – Ardit Hasani
Dinamo – Tefik Çanga 1-1
Malsor Ajeti – John Idahor
Rilindja – Liria 1-3
Liman Morina – Silvio Zogaj, Albion Kurtaj, Vuetuuru Kambato
