Superylli francez Victor Wembanyama kryeson listën e mungesave për EuroBasket 2025, shkruan Basketnews, përcjellë Kërlaçki.
Turneu i ardhshëm i EuroBasket 2025 pritet të shfaqë një mori talentesh, me yje si Luka Donqiç nga Sllovenia, Nikola Jokiç nga Serbia dhe Giannis Antetokounmpo nga Greqia.
Megjithatë, disa emra të mëdhenj do të mungojnë në këtë kampionat, dhe më i spikaturi është All-Star-i francez i San Antonio Spurs, Victor Wembanyama.
Së bashku me të, nga përfaqësuesja e Francës do të mungojnë edhe Rudy Gobert, Evan Fournier dhe Mathias Lessort.
Më 10 gusht u konfirmua se Jeremy Sochan do të mungojë gjithashtu në EuroBasket 2025 për shkak të një dëmtimi në pulpë.
Edhe skuadra të tjera të mëdha do të jenë pa disa nga lojtarët e tyre kryesorë.
Lituania do të jetë pa Domantas Sabonis dhe talentin në ngritje Matas Buzelis, Gjermania pa Mo Wagner dhe Isaiah Hartenstein, ndërsa Sllovenia do të mungojë Vlatko Çanqar dhe Josh Nebo.
Lojtarët më të mirë që do të mungojnë
Gjithashtu, emra të njohur nga NBA që kanë të drejtë të përfaqësojnë kombëtare të tjera — Donte DiVincenzo (Italia) dhe OG Anunoby (Britania e Madhe) — kanë vendosur të mos marrin pjesë në EuroBasket 2025.
Ka edhe një numër lojtarësh të njohur që nuk do të jenë të pranishëm, pasi kombëtaret e tyre nuk arritën të kualifikohen.
Për shkak se ekipet e tyre nuk kaluan fazën kualifikuese, lojtarë të NBA-së si Jakob Poeltl, Dario Shariç, Ivica Zubac dhe Clint Capela do ta humbasin turneun.
Yje të EuroLeague-s si Sasha Vezenkov, Mario Hezonja, T.J. Shorts dhe Iffe Lundberg gjithashtu nuk do të marrin pjesë.
Lojtarët më të mirë që nuk janë kualifikuar
