Federata e Basketbollit e Kosovës ka konfirmuar se Bujar Loci do të udhëheq Përfaqësuesen e Kosovës në ndeshjen e parë të fazës parakualifikuese për EuroBasket 2029, ku Dardanët do të përballen me Shqipërinë më 30 nëntor 2025, në orën 18:00.
Loci, i cili ka një karrierë të gjatë në basketbollin vendor si lojtar dhe trajner, aktualisht është trajner i Grapeland (Rahoveci 029) në Superligën e Kosovës. Ai është trajneri i vetëm vendor në elitën e basketbollit kosovar dhe ka qenë për vite me radhë pjesë e stafit të përfaqësueses, si ndihmëstrajner. Kjo do të jetë hera e dytë që ai merr drejtimin e Dardanëve, pasi ka udhëhequr Kosovën edhe në vitin 2005 në turneun në Aleksandri, përballë Egjiptit dhe Rumanisë.
Me këtë rast, është publikuar edhe lista e gjerë e 15 basketbollistëve të grumbulluar për përballjen ndaj Shqipërisë:
-
Dardan Berisha
-
Drilon Hajrizi
-
Erjon Kastrati
-
Mikaile Tmušić
-
Divine Myles
-
Lis Shoshi
-
Gëzim Morina
-
Valon Bunjaku
-
Musab Mala
-
Muhamedali Janjeva
-
Dardan Kapiti
-
Meriton Ismaili
-
Erolt Rrahmani
-
Jon Ismajli
-
Rron Dahsyla
Përfaqësuesja do të nisë përgatitjet në ditët në vijim, me synimin për të nisur me rezultat pozitiv fushatën parakualifikuese për EuroBasket 2029.
