#post_seo_title
Manchester United ka marrë një fitore të rëndësishme në derbin anglez ndaj Chelseat, në kuadër të xhiros së pestë të Premier League, duke triumfuar me rezultat 2:1 në një ndeshje dramatike.
Sfida nisi keq për “Blutë”, pasi portieri Roberto Sanchez u ndëshkua me karton të kuq që në minutën e 5-të, pas një ndërhyrjeje të ashpër ndaj Mbuemo.
Me epërsinë numerike, United mori kontrollin e lojës dhe Bruno Fernandes, pas asistimit të Dorgus, realizoi golin e parë. Epërsia u dyfishua nga Casemiro, i cili shënoi me kokë pas harkimit të Harry Maguire në minutën e 37-të.
Megjithatë, Casemiro nuk e përfundoi pjesën e parë, pasi në kohën shtesë (45+5’) mori kartonin e dytë të verdhë, duke lënë skuadrën e tij me dhjetë lojtarë. Ky moment e bëri ndeshjen edhe më të hapur në pjesën e dytë.
Chelsea tentoi të reagojë dhe Wesley Fofana gjeti rrugën e rrjetës në minutën e 63-të, por goli u anulua për pozitë jashtë loje.
Përpjekjet e londinezëve u shpërblyen vetëm në minutën e 80-të, kur Trevoh Chalobah shënoi golin e nderit pas asistimit të Reece James. Pavarësisht dominimit në fund, “Blutë” nuk arritën të shmangin humbjen.