Në një mbrëmje ku emocionet ishin të larta në çdo cep të Europës, Anglia bëri punën e saj në “Wembley”, duke mposhtur Serbinë me rezultatin 2-0 dhe duke i dhënë një dorë të madhe Shqipërisë, që tashmë kualifikohet në “play-off” për Kupën e Botës!
Pas fitores 5-0 në ndeshjen e parë ndaj serbëve, shumëkush priste një tjetër paraqitje spektakolare nga “Tre Luanët”. Megjithatë, Serbia u paraqit më e organizuar këtë herë dhe e mbajti të qetë pjesën e parë, deri në minutën e 29-të kur Bukayo Saka përfitoi nga një devijim dhe shënoi një gol të bukur me vole.
Eberechi Eze 90′
World Cup Qualification | 🏆 England 2-0 Serbiapic.twitter.com/tmw1gtyW1z
— Goals Xtra (@GoalsXtra) November 13, 2025
Anglezët ishin pranë golit të dytë disa herë, me Declan Rice dhe Harry Kane që kombinuan në një skemë perfekte, por kapiteni i Anglisë gaboi në mënyrë të pazakontë me kokë. Pak para pushimit, edhe Morgan Rogers humbi një tjetër rast të artë pas një krosimi të Reece James.
Rezultati i ndeshjes Shqipëri–Andorrë ndikoi direkt në qasjen e Serbisë, e cila e kuptoi se i duhej patjetër fitorja. Dhe ata patën disa momente rreziku të vërtetë – Dušan Vlahović gjuajti vetëm pak jashtë pas një asistimi nga Filip Kostić, ndërsa edhe Lazar Samardžić provoi me një vole të rrezikshme që për pak nuk përfundoi në rrjetë.
Goal 🥅 “England 1 – 0 Serbia”
⚽️ 28′ Bukayo Saka
pic.twitter.com/J2jVkgKaxo— FutDball ⚽️ (@FutDball) November 13, 2025
Në fund, Anglia vulosi fitoren në minutën e fundit, me një aksion të shpejtë nga Phil Foden dhe një finalizim të mrekullueshëm nga Eberechi Eze, që e dërgoi topin në cepin e portës për rezultatin përfundimtar 2-0.
Serbia eliminohet dhe ëndrra e tyre për Botërorin mbyllet këtu. Ndërkohë, Shqipëria feston! Kombëtarja jonë, me fitore ndaj Andorrës dhe ndihmën nga Anglia, siguron për herë të parë në histori pjesëmarrjen në fazën “play-off” të një Kupë Bote!
