Në ndeshjen e vlefshme për xhiron e tetë të elitës kroate, Dinamo Zagreb fitoi 4-1 0 ndaj Slaven Belupos, ku shqiptari Arbër Hoxha ishte protagonist absolut në pjesën e parë.
Në minutën e 41’, Dinamo arriti të thyente mbrojtjen e Slaven. Hoxha mori topin në krahun e majtë, hyri në qendër dhe pas një kombinimi të shkëlqyer me Ljubičićin, fitoi një pozicion ideal për gjuajtje brenda zonës së penalltisë dhe shënoi për 1:0. Shqiptari nuk e festoi golin kundër ish-klubit të tij.
Vetëm pak minuta më vonë, në kohën shtesë të pjesës së parë, Dinamo e rriti epërsinë. Kulenović përfitoi nga një pasim i gabuar i mbrojtësit Crepuljan, ndërsa Hoxha ia pasoi saktë topin për gol. Kulenović shënoi në cepin e afërt për 2:0, duke vulosur rezultatin e pjesës së parë.
Pas pjesës së parë, Hoxha u zëvendësua, por ndikimi i tij në 45 minutat e para ishte vendimtar.
Ai regjistroi një gol dhe një asist, duke demonstruar nivel të lartë lojërash dhe lidership në fushë. Falë paraqitjes së tij dhe presionit të vazhdueshëm të Dinamos, skuadra kryesoi me 2-0 në pauzë dhe tregoi se mbetet një nga favoritët kryesorë të kampionatit.
