Ballkani do të përballet me Malishevën në kuadër të javës së dytë të Superligës së Kosovës, një ndeshje që në vitet e fundit nuk ka sjellë shumë rivalitet të lartë, pasi statistikat flasin qartë në favor të tri herë kampionëve të Kosovës.
Në dhjetë përballjet e fundit mes këtyre dy skuadrave, është regjistruar vetëm një barazim – duke e bërë rezultatin më të rrallë.
Ndërkohë, Ballkani ka shënuar plot shtatë fitore, duke e kthyer Malishevën në njërin prej rivalëve të tij më të preferuar.
Nga ana tjetër, Malisheva ka arritur të marrë maksimumin vetëm në dy raste, të dyja fitore të arritura gjatë sezonit të kaluar. Kjo tregon qartë epërsinë e suharekasve në duelet direkte.
Përballja e fundit mes tyre u zhvillua më 26 prill, ku Ballkani doli fitues me rezultat 3-2 në një ndeshje plot emocione.
Në xhiron e parë, asnjëra skuadër nuk e gjeti fitoren: Ballkani barazoi 1-1 me Gjilanin, ndërsa Malisheva pësoi një disfatë të rëndë ndaj Prishtinës së Re me shifrat 4-0.
