Sot zhvillohen të gjitha ndeshjet e javës së 11-të në Ligën e Parë të Kosovës, ku nuk mungojnë derbit, përballjet për kreun e tabelës dhe ato për mbijetesë.
Në qendër të vëmendjes është derbi i madh që luhet në stadiumin “Riza Lushta”, ku Trepça ’89 pret Feronikelin 74 — një duel direkt për vendet e para në renditje dhe për ambiciet e rikthimit në elitë.
Në Gjakovë, Vëllaznimi do të jetë nikoqir i Rilindjes 1974, ndërsa Kika pret Suharekën në një tjetër sfidë me peshë për zonën e mesme të tabelës.
Një nga derbit tjera të kësaj jave është përballja mes Trepçës dhe Tefik Çangës, që zhvillohet në Mitrovicë, e cila pritet të sjellë emocione dhe rivalitet të lartë.
Në Prizren, skuadra e Prizrenit do të përballet me Vjosën, në një takim të rëndësishëm për t’u larguar nga pozitat e fundit të klasifikimit.
Në anën tjetër, 2 Korriku do të përballet me Vushtrrinë, në një ndeshje që pritet të jetë mjaft interesante dhe e luftuar.
Po ashtu, Besa e Pejës pret Dinamon e Ferizajt, në një duel me objektiva të qarta për tri pikë.
Në Prishtinë, Ramiz Sadiku i Alban Dragushës, që po kalon në formë të mirë, do të përballet me Lirinë e Lirdion Lecit — një sfidë që pritet të jetë mjaft e balancuar.
E fundit, por jo nga rëndësia, është përballja mes Istogut dhe KEK-ut, me të dy skuadrat që kërkojnë me ngulm fitoren për t’u larguar nga fundi i tabelës.
