Diar Vokrri karrierën do ta vazhdojë te FC Ballkani, njofton KF Llapi!?
Diar Vokrri karrierën do ta vazhdojë tek FC Ballkani, ka njoftuar KF Llapi në një njoftim për media në faqen e saj në facebook. Por, vetë klubi i FC Ballkanit ende nuk ka reaguar.
“Klubet kanë rënë dakord për të gjitha detajet e transferimit, ndërsa Vokrri do t’i bashkohet menjëherë skuadrës suharekase për angazhimet ndërkombëtare”, thuhet në vazhdim të kumunikatës së klubit në fjalë.
21-vjeçari Vokrri gjatë periudhës së tij me fanellën bardhekaltër ka regjistruar 71 paraqitje zyrtare në të gjitha garat dhe ka kontribuar me 7 asistime, ndërsa vije nga Shkolla e futbollit të FC Llapi.
Mbrojtësi i djathtë i Llapit më parë ishte kërkuar edhe nga FC Prishtina.
Kurse, skuadra e Tahit Batatinës sot ka prezantuar tre futbollistë të transferuar, që të tre edhe më parë kishin veshur fanellëbn e kaltër, Bujar Idrizi dhe Fuad Ajvazi dhe Adem Maliqi, ndërsa nga Bosnja dhe Hercegovina është sjellë Enedin Mulalić, po ashtu mbrojtës i djathtë.
