Dukagjini emëron Ndue Përgjokajn si kryetrajner të ri

Pas dorëheqjes së Ismet Munishit dhe stafit të tij teknik, KF Dukagjini ka vepruar shpejt për të zyrtarizuar pasuesin në bankinën e ekipit.

Klubi nga Klina ka vendosur që t’i besojë drejtimin e skuadrës një emri nga radhët e veta – Ndue Përgjokaj, i cili më parë ka punuar si trajner në kategori të ndryshme brenda strukturës së klubit, ndërsa shumë më parë, Përgjokaj kishte punuar edhe në FC Prishtina si trajner i kategorive të reja dhe FCF Prishtina.

Në komunikatën zyrtare të klubit thuhet:
“KF Dukagjini njofton se Ndue Përgjokaj është emëruar kryetrajner i ekipit të parë. Përgjokaj ka qenë pjesë e stafit teknik të klubit gjatë kësaj periudhe, ku ka treguar profesionalizëm, përkushtim dhe njohje të mirë me grupin dhe mënyrën e punës në klubin tonë.”

Klubi i uron suksese trajnerit të ri dhe shpreh besimin se ai do të kontribuojë në vazhdimësinë e projektit dhe në arritjen e objektivave sezonalë.