FC Drita ka caktuar çmimin e biletave për Evropë

Skuadra kampione e Kosovës pritet mos t’i ndryshoj çmimet as në raundet tjera

Klubi i futbollit Drita, ka njoftuar tifozët për çmimin e biletave për ndeshjen e parë të raundit të parë kualifikues në Champions League kundër FC Differdange të Luksemburbut e cila zhvillohet të martën nga ora 20:00 në „Fadil Vokrri“.

Çmimet e biletave janë të përshtatura për çdo kategori:

• Veri: 3 euro

• Lindje: 5 euro

• Perëndim: 10 euro

• VIP: 20 euro (përfshin katering all inclusive)

Biletat do të dalin në shitje fizikisht nesër, e diel, duke filluar nga ora 13:00, para Teatrit të Qytetit në Gjilan.

Përveç kësaj, ditën e ndeshjes, bileta do të jenë në dispozicion edhe në tri pika të ndryshme pranë stadiumit “Fadil Vokrri”, duke e bërë më të lehtë për çdo tifoz që të sigurojë vendin e tij.