Java e nëntë në Raiffeisen Superligën e Kosovës për femra solli një tjetër shfaqje dominuese nga kampionet e Fer Volley, që fituan bindshëm derbin e Ferizajt. Drita ruajti vendin e dytë me një tjetër paraqitje të fortë, ndërsa Fushë Kosova u rikthye te fitorja me një sukses të pastër në Gjakovë ndaj Vëllaznimit.
Fer Volley fiton derbin e qytetit dhe forcon kreun e tabelës
Raiffeisen Superliga (Femrat) – Java 9
Ferizaj 0–3 Fer Volley
Setet: 18–25, 20–25, 17–25
Në përballjen mes dy skuadrave të qytetit, Fer Volley konfirmoi epërsinë ndaj Ferizajt, duke fituar pastër 3–0. Kampionet në fuqi u treguan të pakompromis në të gjitha setet dhe me këtë fitore mbeten të pamposhtura pas nëntë javësh, duke kryesuar bindshëm renditjen.
Drita ruan vendin e dytë pas fitoreje të vështirë ndaj Prishtina ’75
Raiffeisen Superliga (Femrat) – Java 9
Drita 3–1 Prishtina ’75
Setet: 25–20, 21–25, 25–23, 25–15
Drita vijon formën pozitive, duke mposhtur Prishtina ’75 me rezultat 3–1 në një sfidë ku ritmi ishte i lartë dhe rivaliteti i fortë, veçanërisht në dy setet e mesme. Pas humbjes në setin e dytë, gjilanaset rikuperuan menjëherë dhe e mbyllën ndeshjen me siguri. Me këtë fitore, Drita shkon në kuotën e 19 pikëve dhe ruan pozitën e dytë në renditje.
Fushë Kosova rikthehet te fitorja me një paraqitje bindëse në Gjakovë
Raiffeisen Superliga (Femrat) – Java 9
Vëllaznimi 0–3 Fushë Kosova
Setet: 16–25, 16–25, 22–25
Skuadra e Fushë Kosovës arriti fitoren e pestë të sezonit pas një ndeshjeje të kontrolluar ndaj Vëllaznimit në Gjakovë. Vashat mysafire dominuan dy setet e para dhe ruajtën qetësinë edhe në fundin e tretë për të mbyllur takimin 0–3. Ky rezultat i afron ato me zonën e katërshes së parë, ndërkohë që Vëllaznimi mbetet në pjesën e poshtme të tabelës.