Ferizaj përsërit rezultatin e Gjilanit ndaj skuadrës rumune Politehnica

Ferizaj ka barazuar 1:1 në ndeshjen miqësore ndaj skuadrës rumune Politehnica Iași, e zhvilluar sot në Bansko të Bullgarisë, ku skuadra ferizajase po vijon fazën përgatitore para sezonit të ri.

Golin për Ferizajn e realizoi Fatjon Jusufi, i cili konkretizoi një nga rastet e krijuara nga skuadra gjatë ndeshjes.

Kjo ishte miqësorja e radhës për Politehnica Iași ndaj një ekipi kosovar, pasi edhe me Gjilanin kishte barazuar me të njëjtin rezultat 1:1, para dy ditësh.

Takimi ndaj ekipit rumun ishte një tjetër mundësi e mirë për trajnerin Arsim Abazi dhe lojtarët që të testojnë formën dhe harmoninë në skuadër para fillimit të edicionit të ri.

Ferizaj do të zhvillojë edhe miqësore tjera atje.