Sulmuesi i talentuar Fisnik Asllani vazhdon të tregojë formë të lartë në përgatitjet verore me Hoffenheimin. Ai realizoi një tjetër gol në miqësoren ndaj Darmstadtit, ku skuadra e tij triumfoi bindshëm me rezultat 5:1.
Asllani zhbllokoi ndeshjen që në minutën e nëntë, duke dëshmuar sërish efikasitetin e tij para portës.
Ky është goli i dytë radhazi për 22-vjeçarin, i cili shënoi edhe në miqësoren e kaluar ndaj 08 Homburgut.
Die ersten 45 Minuten sind beendet ⏸️ pic.twitter.com/gN6fEwMZg4
— TSG Hoffenheim (@tsghoffenheim) July 26, 2025
Krahas tij, nga minuta e parë u aktivizua edhe mesfushori me tipare mbrojtëse, Leon Avdullahu, një tjetër emër premtues nga Kosova në radhët e Hoffenheimit.
Pak ditë më parë, Asllani rinovoi kontratën me gjigantin gjerman deri në verën e vitit 2029, si shpërblim për sezonin e jashtëzakonshëm që pati gjatë huazimit te Elversberg në Bundesliga 2, ku regjistroi 18 gola dhe 9 asistime.
Anëtari i përfaqësueses së Kosovës numëron 7 paraqitje dhe një gol me fanellën dardane, ndërsa forma e tij aktuale është sinjal pozitiv për sfidat që e presin në sezonin e ri.
🇽🇰🇩🇪 Fisnik Asllani with his first of hopefully many goals for @tsghoffenheim, against @sv98 in a friendly! pic.twitter.com/FGOClaB4H7
— Kosovar Talents (@Kosovartalents) July 26, 2025
