Fisnik Rugova nuk do të jetë pjesë e Sigal Prishtinës në sezonin e ri të Superligës së Kosovës në basketboll.
Kapiteni i sezonit të kaluar e ka konfirmuar largimin përmes një postimi në rrjete sociale, ku falënderoi klubin kryeqytetas për vitet e kaluara dhe bëri të ditur se karrierën do ta vazhdojë në një destinacion të ri.
Mungesa e një marrëveshjeje për rinovim ka bërë që rrugët mes Rugovës dhe Prishtinës të ndahen, pavarësisht faktit se basketbollisti është rritur dhe është formuar si lojtar pikërisht te ky klub.
Gjatë karrierës së tij, Rugova ka luajtur edhe për skuadra të tjera të njohura të Superligës, si Peja, Rahoveci dhe Bashkimi.
Basketbollisti 206 centimetra i gjatë, që luan në pozitën krah-qendër, sezonin e kaluar regjistroi një mesatare prej 3 pikësh dhe 3 kërcimesh për ndeshje.
