Gjyqtari kosovar Genc Nuza do të jetë në qendër të vëmendjes të martën mbrëma, teksa do të gjykojë sfidën ndërmjet Maqedonisë së Veriut dhe Italisë në kuadër të Grupit E të kualifikueseve për Kampionatin Evropian U21. Ndeshja zhvillohet në orën 18:15 në stadiumin “Petar Miloševski” në Bitola.
Kjo përballje është mjaft e rëndësishme për ecurinë e grupit dhe është një tjetër dëshmi e besimit që UEFA ka ndaj gjyqtarëve nga Kosova.
Në këtë detyrë të rëndësishme, Nuza do të shoqërohet nga një treshe bashkëpunëtorësh nga Kosova: Fatlum Berisha dhe Hekuran Osmani do të jenë asistentët anësorë, ndërsa Mentor Ajeti është caktuar si gjyqtar i katërt.
Kjo është një tjetër përfaqësim i rëndësishëm ndërkombëtar për arbitrimin kosovar, që po fiton gjithnjë e më shumë vlerësim në arenën evropiane.
