Përfaqësuesja U21 e Kosovës ka regjistruar njërën nga fitoret më të thella të çfarë do ekipe të Kosovës në historinë e saj, duke mposhtur me rezultat të thellë 7-0 San Marinon, në kuadër të kualifikimeve për Kampionatin Evropian 2027. Ndeshja u zhvillua të martën mbrëma në stadiumin “Fadil Vokrri” në Prishtinë.
Të përzgjedhurit e trajnerit Afrim Toverlani dominuan plotësisht takimin që nga minuta e parë, duke shfaqur një lojë sulmuese të rrjedhshme dhe efikase.
Renditja e golave:
-
(11’) 1-0 – Bujupi shënon pas asistimit të Muçës
-
(16’) 2-0 – Leon Frokaj realizon pas një tjetër asisti nga Muçaj
-
(20’) 3-0 – Hekuran Berisha shfrytëzon një gabim të mysafirëve
-
(59’) 4-0 – Berisha shënon golin e tij të dytë personal
-
(62’) 5-0 – Lirim Jashari shton epërsinë
-
(75’) 6-0 – Selmonaj futet në listën e realizatorëve
-
(83’) 7-0 – Leon Frokaj mbyll spektaklin me golin e tij të dytë
Kosova mbeti me 10 lojtarë në minutën e 69-të, pasi Lleshja u ndëshkua me kartonin e dytë të verdhë, duke u përjashtuar nga loja.
Kjo fitore është një tregues i qartë i potencialit të brezit të ri të Dardanëve dhe rrit shpresat për një garë të fortë për vendin e dytë në grupin kualifikues.
Ndeshja:
Frokaj shënon golin e tij të dytë (83′ 7-0)
Selmonaj ka shënuar golin e 6-të në minutën e 75′.
Lleshja është ndëshkuar me kartonin e dytë të verdhë, respektivisht të kuq (69′)
Lirim Jashari ka shënuar golin e 5-të për Dardanët (62′ 5-0)
Hekuran Berisha ka shënuar edhe golin e dytë persona, ndërsa Kosova tani udhëheq 4-0 (59′).
Gabim i mysafirëve, Hekuran Berisha shënon golin e tretë (20′ 3-0)
Shënohet edhe goli i dytë, sërish Muçaj asiston, ndërsa shënon Frokaj (16′ 2-0)
Kosova ka shënuar me Bujupin pas asitimit të Muçës (11′, 1-0).
Kjo është sfida e tretë për Kosovën në grup, pas barazimit pa gola ndaj Rumanisë dhe humbjes 1-3 përballë Spanjës.
Skuadra e Afrim Toverlanit e nisi ndeshjen me intensitet të lartë dhe krijoi një rast të mirë qysh në minutat e para, kur goditja përfundoi në shtyllë. Goli që pasoi këtë aksion u anulua për shkak të pozicionit jashtë loje.
Kosova synon fitoren e parë në këtë cikël, për të mbajtur gjallë ambiciet për vendin e dytë në grup.
