Sonte (e mërkurë) në mbrëmje zhvillohet xhiro e dytë e fazës së grupeve në Ligën e Kampionëve, ku në program janë plot nëntë ndeshje.
Vëmendja kryesore e mbrëmjes është te supersfida Barcelona – Paris Saint-Germain, që luhet nga ora 21:00 në stadiumin Estadio Olímpic Lluís Companys.
Ndeshje të tjera interesante janë edhe përballja mes Monacos dhe Manchester Cityt si dhe dueli Borussia Dortmund – Athletic Bilbao.
Gjithashtu, Villarreal pret Juventusin, Napoli përballet me Sporting Lisbonën, Bayer Leverkusen është nikoqir i PSV Eindhoven, ndërsa Arsenali luan para tifozëve të vet kundër Olympiacosit.
Nga ora 18:45 zhvillohen dy takime: Qarabag – Copenhagen dhe Royale Union SG – Newcastle United.
⚽ Champions League night! #UCL pic.twitter.com/5T7qWzoLlQ
— UEFA Champions League (@ChampionsLeague) October 1, 2025
