Të gjitha skuadrat pretendente arritën fitore sot – Liria në fund me vështirësi, ndërsa Vëllaznimi, edhe pse minimalisht, shpërdoroi shumë raste. KEK-u qëlloi shtyllën.
Dy përballjet për mbijetesë u mbyllën në barazim: Besa – Vjosa 0-0 dhe Prizreni – 2 Korriku 2-2. Një pikë e madhe për prishtinasit, të cilët tani i janë larguar fundit të tabelës, duke i lënë dy pozitat e fundit për Besën dhe KEK-un, me vetëm 8 gola të shënuar në 16 ndeshje.
Kika ka marrë një fitore të madhe ndaj Tefik Çangës, që gradualisht po humb hapin.
Ndërkohë, tre skuadra – Vushtrria, Dinamo dhe Vëllaznimi – ndajnë pozitën e parë me nga 34 pikë, ndërsa në javën e 17-të zhvillohet derbi i madh mes Vushtrrisë dhe Vëllaznimit.
89-shi fitoi ndaj Istogut, Liria shumë vështirë ndaj Suharekës, ndërsa Dinamo nuk i la asnjë mundësi Rilindjes 1974, duke e mposhtur bindshëm.
