Drita ka regjistruar një fitore të madhe ndaj Llapit, ndërsa një triumf edhe më domethënës ka arritur Malisheva, e cila fitoi 2-1 në udhëtim ndaj Dukagjinit në Klinë, duke luajtur me një lojtar më pak që nga minuta e 76-të.
Në Lipjan, Prishtina e Re dhe Drenica ndanë pikët pa gola. Ky rezultat ka shtuar dyshimet rreth së ardhmes së trajnerit Shpëtim Babaj, e cila tashmë është në pikëpyetje të madhe.
Në Ligën e Parë, 2 Korriku shënoi fitoren e dytë sezonale, duke u larguar nga vendi i fundit me një sukses të pastër 3-0 ndaj Istogut. Pavarësisht rasteve të shumta, mysafirët nuk arritën të realizojnë.
Ndërkohë, Feronikeli pati vështirësi në pjesën e parë kundër Prizrenit, por në fraksionin e dytë gjeti golin e fitores për rezultat final 2-1, që e ngjit skuadrën në vendin e dytë në renditje.
Superliga
Drita – Llapi 1-0
Dukagjini – Malisheva 1-2
Prishtina e Re – Drenica 0-0
Liga e Parë
Feronikeli – Prizreni 2-1
2 Korriku – Istogu 3-0
Karton i kuq për Besnik Krasniqin, Drita nga minuta e 76-të me një futbollist më pak në fushë.
Karton i kuq: Vitija (Malisheva) 76′
GOL Etnik Bruti shënon edhe golin e dytë (69′), tani nga pika e bardhë për epërsinë e skuadrës së tij në Klinë, 2-1.
GOL Shënon Drita (34′), Besnik Krasniqi ka realizuar nga pika e bardhë! Drita – Llapi 1-0.
GOL Altin Mërlaku (33′) barazon për Dukagjinin, 1-1 në “18 Qershori”
GOL Etnik Bruti (18′) ka shënuar për Malishevën në “18 Qershori”, Dukagjini – Malisheva 0-1!