Një ndeshje miqësore me karakter vëllazëror do të zhvillohet të shtunën, më 11 tetor 2025, në stadiumin “Zahir Pajaziti” në Podujevë, ku KF Llapi do të mirëpresë KF Bashkimi nga Kumanova (Maqedonia e Veriut).
Takimi do të nisë në orën 14:00 dhe pritet të sjellë jo vetëm përballje sportive, por edhe një atmosferë miqësie e solidariteti mes dy klubeve shqiptare.
Llapi, pas dy fitoreve radhazi në AlbiMall Superligën e Kosovës, ka grumbulluar 9 pikë dhe synon të ruajë formën pozitive edhe në këtë test miqësor “ndërkombëtar”.
Në anën tjetër, Bashkimi, që këtë sezon është rikthyer në elitën e futbollit të Maqedonisë së Veriut pas një periudhe të gjatë, po kalon një formë shumë të mirë. Klubi nga Kumanova nuk ka pësuar humbje në katër ndeshjet e fundit dhe aktualisht ndodhet në vendin e pestë me 15 pikë.
Kjo ndeshje shihet si një mundësi ideale për të dy skuadrat për të testuar formën e lojtarëve, për të rritur harmoninë në ekip dhe për të thelluar lidhjet sportive mes klubeve shqiptare në rajon.
Por edhe të takimit të grupeve të tifozerisë, “Legjendat” dhe “Ilirët”.
