Larne ka arritur të shënojë fitore ndaj Audas, në kuadër të xhiros së parë të Ligës së Konferencës, duke kaluar në raundin e dytë – ku aty do të jetë humbësi i ndeshjes mes Sheriffit dhe Prishtinës.
Ndeshja e parë mes Larne dhe Audas ishte mbyllur 0-0, ndërsa ndeshja kthyese u mbyll 2-2, ku irlandezo-veriorët fituan me penallti.
Larne nuk është klub i panjohur për futbolin tonë, pasi në dy raste ishte takuar me Ballkanin në vitet e shkuara, shkruan Kërlaçki.
Në vitin 2023, Ballkani e kishte eliminuar Larnen me rezultat të përgjithshëm 7-1.
Ndërsa një vit më pas, ishte Larne që e eliminoi Ballkanin, duke arritur një senasacion, pasi kampioni i Kosovës ishte favorit i madh.
Dy herë kampioni i Irlandës së Veriut ka një vlerë në skuadër prej 2.85 milionë euro, ndërsa Prishtina që me shumë gjasë do të jetë kundërshtari i tyre, ka dyfishë vlerë më të madhe me 5.6 milionë euro.
