Prezantim i çuditshëm për Ardian Nuhiun nga KF Tirana 

Ardian Nuhiu është zyrtarizuar si trajneri i ri i Tiranës, por mënyra e prezantimit të tij ka befasuar jo pak. Në vend të një postimi të zakonshëm në rrjetet sociale, klubi bardheblu ka zgjedhur të publikojë vetëm një „InstaStory“, e cila zhduket pas 24 orësh, njofton Panorama Sport.

Ky prezantim i pazakontë bie në kontrast me mënyrën se si janë paraqitur trajnerët e mëparshëm, duke ngjallur kureshtje nëse do të pasojë një njoftim më zyrtar apo ndonjë kronikë nga stërvitja. Nuhiu, i cili ishte një dëshirë e kahershme e klubit, rikthehet në punë vetëm një muaj pasi u largua nga Gjilani.

Për 46-vjeçarin nis një sfidë e re dhe mjaft delikate: debutimi në Kategorinë Superiore me klubin më të dekoruar në historinë e futbollit shqiptar.

Roberto Bordin është larguar nga Tirana