Rezultatet e pesë miqësoreve të sotme, përballje interesante internacionale dhe vendore
Po vazhdojnë miqësoret ndërmjet skuadrave tona, por ka edhe duele me skuadra të vende tjera, sidomos të ekipeve tona që ndodhen në fazë përgatitore jashtë vendit. Dy ekipe tona u takuan në Bankso, Dukagjini – Feronikeli, ndërsa Ferizaj dhe Llapi luajtën me ekipe të shteve tjera, kurse Kërlaçki ju sjellë të gjitha rezultatet e ditës së sotme.
𝐅𝐂 𝐅𝐞𝐫𝐢𝐳𝐚𝐣 – 𝐅𝐂 𝐀𝐫𝐤𝐚𝐝𝐚𝐤 1-1 (Turkmenistan)
Skuadra jonë e Superligës ka zhvilluar ndeshje miqësore internacionale gjatë qëndrimit në fazën përgatitore në Bansko të Bullgarisë. Bardhekaltrit e Ferizajit kanë barazuar me skuadrën nga Turkmenistani, FC Arkadak, 1:1.
Golin e vetëm për skuadrën kosovare ka shënuar Erion Sadriu. Ndërsa Ferizaj kishte mundësi të shënonte edhe një gol, por humbën penalltinë e fituar.
Llapi – Makedonija GP 1-0
Llapi ka zhvilluar miqësoren e tretë gjatë qëndrimit në Ohër kudër skuadrës së promovuar në Ligën e Parë të Maqedonisë së Veriut, Makedonija GP.
Llapi i Batatinës ka fituar ndeshjen me rezultat minimal pas një gjuajtje nga distanca të realizuar nga Arbnor Ramadani (12′), dhe asistimit të Kushtrim Shabanit.
Skuadra tituallre e Llapit kundër Makedonija GP
Dukagjini – Feronikeli 2:2
Përballje kosovare në Bullgari, dy skuadrat e “gjelbërta” u ndeshën “paqësisht” ndërmjet veti me rezultat të barabartë, 2:2.
Golat për ekipin e Ismet Munishit shënuan Eldonit Shaqiri dhe Valentin Hoti, ndërsa për Feronikelin Arbios Thaçi dhe Shpresim Zogu.
Rilindja 1974 – Trepça ’89 1-4
Në ndeshjen e zhvilluar në stadiumin “Shahin Haxhiislami” në Pejë, u ndeshën dy skuadrat e Ligës së Parë, Rilindja vendase dhe ekipi nga Mitrovica e udhëhequr nga trajneri, Gani Sejdiu. Skuadra minatore fitoj me rezultat bindës, 1:4
Për “minatorët” dy gola shënoj Jahmurataj dhe nga njëherë shënuan Mehmeti dhe Hasani.
Suhareka – Trepça 1-2
Ndërsa u zhvillua edhe një duel ndërmjet skuadrave po të Ligës së Parë, skuadra e rënë nga elita e futbollit tonë, Suhareka priti Trepçën e trajnerit Emin Baliqi i cili shënoi fitore në këtë duel rivalësh, 1-2.
