Tenistja amerikane Sachia Vickery e nisi me sukses rrugëtimin në kualifikimet e US Open, duke mposhtur ukrainasen Anastasija Sobolieva me rezultatet 7:5, 7:5. Rezultati u cilësua si një surprizë e vogël, pasi Vickery ndodhet aktualisht në vendin e 559-të të renditjes botërore në WTA. Dikur e renditur në vendin e 73-të, sot, në moshën 30-vjeçare, ajo është më shumë e përkushtuar ndaj krijimit të përmbajtjes për të rritur, nga e cila gjeneron të ardhurat kryesore.
“Asnjëherë nuk kam fituar para më lehtë”
“Në fillim nuk e mendoja se do të merresha me këtë gjë, por jam njeri me mendje të hapur dhe nuk më intereson se çfarë mendojnë të tjerët për mua. Është mënyra më e lehtë për të fituar para që kam përjetuar ndonjëherë dhe e shijoj shumë,” tha Vickery në një transmetim të drejtpërdrejtë në Instagram.
“Nuk dal më me meshkuj falas, për shkak të sjelljes së tyre. Tani kërkoj parapagim para çdo takimi. Më dërgoni 1.000 dollarë dhe mund ta realizojmë. Nuk do të gjykoj më kurrë vajzat që krijojnë përmbajtje për OnlyFans. Shuma që fitova në vetëm dy ditë më preku thellë emocionalisht. Ishte një tronditje e vërtetë.”
“Po eksploroj mundësi të reja”
Vickery iu bashkua platformës OnlyFans më herët këtë vit. E veçanta është se në përshkrimin e profilit të saj në Instagram shkruan “Zoti në radhë të parë” (“God First”), ndërsa njëkohësisht publikon foto pa veshje dhe ndryshon shpesh partnerë. Përmbajtjen që e konsideron “shumë e nxehtë për Instagramin”, ajo e ofron me një çmim prej 12.99 dollarësh në muaj.
Në profilin e OnlyFans, ajo e përshkruan veten si “tenistja juaj e preferuar”. Gjatë karrierës së saj në tenis, Vickery ka fituar rreth dy milionë dollarë, por tani thotë se fitimet nga OnlyFans janë shumë më të mëdha dhe të lehta. “Vazhdoj të luaj tenis, por dua të bëj edhe diçka jashtë sportit. Po eksploroj mundësi të reja në rrjetet sociale”, u shpreh ajo në një intervistë për podkastin Black Spin Global, përcjellë Kërlaçki.
Në janar të këtij viti nuk arriti të kualifikohej për Australian Open, pasi u eliminua në raundin e tretë të kualifikimeve. Rezultatet më të mira në Grand Slam i ka arritur në US Open, ku ka shkuar katër herë deri në raundin e dytë.
Edhe emra të tjerë të tenisit në OnlyFans
Vickery nuk është e vetmja në botën e tenisit që ka profil në OnlyFans. Edhe australiani Nick Kyrgios hapi faqen e tij në këtë platformë për të ndarë “anë të ndryshme të vetes” pas një dëmtimi. Tenisti francez Alexandre Muller, dikur i renditur i 38-ti në botë, gjithashtu ka profil në OnlyFans, ku vetëquhet “tenisti më seksi në botë”.
Nga ana tjetër, ish-tenistja amerikane Ashley Harkelroad pati një periudhë të shkurtër në platformë, ndërsa kolegia e saj Arina Rodionova filloi të monetizonte përmbajtjen e saj pas divorcit.
