Vllaznia e nisi sezonin e ri në Abissnet Superiore me fitore të pastër 2-0 ndaj Egnatias në Shkodër.
Kapiteni Erdenis Gurishta zhbllokoi ndeshjen në minutën e 19-të me një goditje me kokë pas një këndi, ndërsa në pjesën e dytë, në minutën e 49-të, Bajrami shënoi golin e dytë duke vulosur suksesin e shkodranëve.
Egnatia pati mundësinë të barazonte në pjesën e parë me një penallti, por Balaj gaboi nga pika e bardhë. Miqtë e përfunduan ndeshjen me 10 lojtarë, pasi Votlai u ndëshkua me karton të kuq në minutën e 56-të.
Me këtë fitore, skuadra e Edi Martinit, i cili edhe ky u ndëshkua me karton të kuq, mori tri pikët e para të kampionatit, duke konfirmuar ambiciet për sezonin e ri.
Ishte kjo përballja e nënkampionëve dhe kampionëve të edicionit të fundit 2024/25 e cila u zhvillua në një stadium pothuajse të mbushur në “Loro Boriçi”.
Abissnet Superiore – Java e parë
Vllaznia – Egnatia 2-0
Golat: Gurishta 19’, Bajrami 49’
23 gusht
-
17:00 – Bylis – KF Tirana
-
20:00 – AF Elbasani – Flamurtari
24 gusht
-
20:00 – Partizani – Vora
5 shator
-
_:_ – Teuta – Dinamo
