Merkatoja e kësaj vere ka sjellë një tjetër lajm të madh për futbollin shqiptar. Fabrizio Romano, gazetari më i besuar i merkatos, ka konfirmuar ekskluzivisht kalimin e Edon Zhegrovës te Juventusi me shprehjen e tij ikonike “Here we go!”.
“Sipas burimeve të sigurta, marrëveshja është e mbyllur” – thekson Romano.
-
Lille ka pranuar ofertën e bardhezinjve, një pako financiare që i kalon 20 milionë eurot.
-
Vetë Zhegrova kishte insistuar për transferimin në Torino dhe tashmë ka arritur marrëveshje personale me klubin.
-
Ai do të zbarkojë në Itali sonte në mbrëmje, nëse nuk ndodh asnjë surprizë.
Ky është një hap gjigant për karrierën e 25-vjeçarit kosovar, i cili pas paraqitjeve mbresëlënëse në Ligue 1 do të ketë shansin të tregojë talentin e tij në Serie A, me një fanellë historike si ajo e Juventusit.
Trajneri Igor Tudor tashmë ka në duar një armë të re ofensive, një lojtar që kombinon shpejtësinë, teknikën dhe kreativitetin. Bardhezinjtë e shohin Zhegrovën si element kyç në rindërtimin e skuadrës për sezonin e ardhshëm.
🚨⚪️⚫️ Edon Zhegrova to Juventus, here we go! Deal done and exclusive story confirmed.
Lille accept package in excess of €20m as Zhegrova wanted Juventus move with personal terms agreed.
New winger for Igor Tudor. 🇽🇰 pic.twitter.com/KbQXGuLVOd
— Fabrizio Romano (@FabrizioRomano) August 31, 2025
