Një ndeshje thriller në “Zini” mbyllet me një fitore dramatike për Cremonesen, që falë një penalltie të De Luca-s në minutën e 93-të mposht Sassuolon 3-2 dhe ngjitet në krye të renditjes me pikë të plota. Por një nga protagonistët absolutë të mbrëmjes është portieri shqiptar Arijanet Muric, që me ndërhyrje vendimtare e mbajti Sassuolon në lojë për më shumë se një orë.
Cremonese udhëhoqi 2-0 në pjesën e parë me golat e Terraccianos dhe Vazquez, por Sassuolo reagoi jashtëzakonshëm. Golat e Pinamontit dhe Berardit e rikthyen barazpeshën, përpara se De Luca të mbyllte gjithçka me golin e fitores nga pika e bardhë.
Muric, në qendër të vëmendjes
I rikthyer si titullar pas performancës së dobët të Turatit ndaj Napolit, Muric justifikoi plotësisht besimin e trajnerit Grosso. Në minutën e 48-të, ai kreu një pritje spektakolare ndaj goditjes me kokë të Sanabrias nga afërsia – një ndërhyrje që shmangu një disfatë të parakohshme. Në pjesën e parë, ndonëse nuk ishte pa përgjegjësi në golin e parë të Terraccianos, Muric u tregua reagues në shumë situata të rrezikshme dhe i dha siguri prapavijës së Sassuolos.
Kur Berardi gjuajti një goditje dënimi perfekt drejt trekëndëshit, Muric fluturoi dhe e devijoi në mënyrë spektakolare. Ishte një nga ato pritje që ndryshojnë rrjedhën e një ndeshjeje. Dhe pavarësisht tre golave të pësuar, paraqitja e tij u cilësua si një nga më të mirat në fushë.
