Shorti i play-off-it për Kupën e Botës 2026.
-
Sllovaki – Kosovë
-
Poloni – Shqipëri
Në rast kualifikimi në finale, Kosova do të përballet me fituesin e çiftit Turqi – Rumani në “Fadil Vokrri”, ndërsa Shqipëria si mysafire me fituesin e ndeshjes Ukrainë – Suedi.
Ndeshjet gjysmëfinale do të zhvillohen në fushat e skuadrave të vazos së dytë më 26 mars, 2026.
Kosova me short më të lehtë në gjysmëfinale, por finale e vështirë – Shqipëria gjithmonë mysafire
Kosova ka tërhequr një short relativisht të favorshëm në gjysmëfinale të play-off-it për Kupën e Botës 2026, ku do të përballet me Sllovakinë. Nëse arrin të kualifikohet në finale, përballja do të jetë më e vështirë – ndaj fituesit të ndeshjes Turqi – Rumani. Megjithatë, finalja do të zhvillohej në stadiumin “Fadil Vokrri” në Prishtinë.
Ndërkohë, Shqipëria do të luajë në gjysmëfinale ndaj Polonisë në Varshavë, dhe në rast fitoreje, do të mbetet sërish mysafire edhe në finale – ose në Stokholm kundër Suedisë, ose në një vend neutral ndaj Ukrainës.
