Porta e Prishtinës ka marrë një kthesë interesante, teksa Ardit Nika është rikthyer si titullar në ndeshjet evropiane, ndërsa trajneri Arsim Thaçi – tashmë i rikthyer në pankinë – kishte vendosur të linte në stol Agron Kolajn, që deri atëherë kishte qenë zgjedhja e parë.
Me këtë vendim të guximshëm, Thaçi tregoi se nuk ka frikë të bëjë rotacione të mëdha në momente kyçe. Dhe rezultati e arsyetoi: Ardit Nika, 27-vjeçar, regjistroi paraqitjen e tij të shtatë në garat evropiane për klubin bardhekaltër. Ai ishte figura kryesore në edicionin evropian të vitit 2021, ku Prishtina zhvilloi gjashtë ndeshje në Ligën e Kampionëve dhe në Conference League – përfshirë përballjet me Ferencvarosh.
Me 630 minuta të zhvilluara në portë dhe bilancin e 11 golave të pësuar në katër ndeshje, Nika ka edhe një rekord pozitiv: tre ndeshje pa pësuar gol.
Klubi aktualisht ka luksin të ketë në dispozicion dy portierë me cilësi të krahasueshme – Nikën dhe Kolajn – ndërsa i treti në listë, Gjokaj, mbetet në pritje të shansit të tij.
Mbetet të shihet nëse Thaçi do t’i besojë sërish Nikës për ndeshjen e radhës të enjten në stadiumin “Fadil Vokrri”. Por një gjë është e qartë: konkurrenca në portën e Prishtinës është më e fortë se skuadrave tjera vendore.
