Java e 12-të e AlbiMall Superligës së Kosovës do të zhvillohet këtë fundjavë, me dy sfida shumë interesante që pritet të sjellin emocione të veçanta për tifozët.
Të shtunën do të luhen dy ndeshje. E para nis në ora 13:00, ku kampionët në fuqi, Ballkani, do të përballen me Ferizajn. Më pas, në terminin e mbrëmjes, nga ora 18:30, vëmendja zhvendoset në kryeqytet ku Prishtina pret Gjilanin në një tjetër përballje tejet interesante.
Tabela: Java e 11-të e Superligës, Ballkani ka ngushtuar epërsinë ndaj Prishtinës
Të dielën janë në program tri ndeshje, të gjitha nga ora 13:00. Pa dyshim, sfida kryesore do të zhvillohet në Gjilan, ku Drita do të përballet me Llapin – një duel për luftë për kreun. Në ndeshjet tjera, Dukagjini pret Malishevën, ndërsa Prishtina e Re përballet me Drenicën.
Java e 12-të pritet të jetë vendimtare për ecurinë e shumë skuadrave në këtë fazë të kampionatit.
