Sulmuesi kosovar Albion Rrahmani po vazhdon formën e shkëlqyer në kampionatin çek, duke e festuar në mënyrën më të mirë të mundshme 25-vjetorin e lindjes. Sonte ai shënoi dy gola në fitoren e skuadrës së tij, Sparta Pragë, duke çuar në tetë numrin e golave personalë këtë sezon.
Rrahmani realizoi një “dopietë” në minutat 31 dhe 59, duke e ndihmuar Spartën të avansojë 3-0 ndaj Zlín në javën e 7-të të kampionatit. Skuadra nga kryeqyteti i Çekisë aktualisht kryeson tabelën me 19 pikë të grumbulluara.
Forma e tij e jashtëzakonshme do t’i ndihmojë shumë edhe trajnert të Përfaqësueses, Franco Foda, që e ka ftuar atë për dy ndeshjet e ardhshme kualifikuese, ku Kosova do të përballet me Zvicrën dhe Suedinë.
🇨🇿 Albion Rrahmani celebrates his 25th birthday with a goal! 😍
pic.twitter.com/QH6s8EHvUY— Kosovo Football 🇽🇰 (@kosovarfootball) August 31, 2025
