Sulmuesi anësor Arbnor Muja pritet të largohet nga Samsunspor gjatë kësaj vere. Klubi turk ka vendosur të shkëpusë rrugët me lojtarin shqiptar për të liruar hapësirë në kontingjentin e futbollistëve të huaj.
Sulmuesi anësor Arbnor Muja pritet të largohet nga Samsunspor gjatë kësaj vere. Klubi turk ka vendosur të shkëpusë rrugët me lojtarin shqiptar për të liruar hapësirë në kontingjentin e futbollistëve të huaj.
Muja ka lënë gjurmë te Samsunspori me golin e shënuar në sekondat e fundit kundër Kayserisporit, në javën e fundit të Superligës turke. Ky gol rezultoi vendimtar, pasi i siguroi ekipit pjesëmarrjen në fazën kualifikuese të UEFA Europa League.
Largim për shkak të rregullores Me 14 lojtarë të huaj në skuadër, Samsunspori nuk ka më hapësirë për regjistrime të reja. Për këtë arsye, klubi ka vendosur të lejojë largimin e Mujës, i cili gjithashtu ka shprehur dëshirën për një aventurë të re.
Rikthim në Belgjikë 26-vjeçari, i transferuar nga Antwerp në vitin 2023, është në bisedime të avancuara për të kaluar sërish në kampionatin belg. Me fanellën e Samsunsporit, ai zhvilloi 50 ndeshje zyrtare, duke realizuar 4 gola dhe duke dhënë 2 asiste.
