Portieri i parë i Kosovës, Arijanet Muriq, ka thënë se arritja në plejofin për Kupën e Botës 2026 do të ishte e madhe, por synimi i tij mbetet kualifikimi direkt për Botërorin që mbahet vitin e ardhshëm në SHBA, Meksikë dhe Kanada. Ai thekson se Kosova lufton edhe për vendin e parë në grup, dhe ndeshja e 18 nëntorit kundër Zvicrës mund të vendosë për këtë.
Kosova siguron plejofin me një barazim ndaj Sllovenisë, por Muriq nuk do të luajë në këtë ndeshje për shkak të dy kartonëve të verdhë. Ai shpreh keqardhje që nuk do të jetë pjesë e skuadrës, duke theksuar se do të ishte më e lehtë të kontribuonte personalisht.
“Kosova është në garë edhe për vendin e parë. Sigurisht, duam të paktën vendin e dytë për të luajtur plejofin. Mendoj se do të jemi në garë me Zvicrën edhe për vendin e parë. Fillimisht duhet të përqendrohemi në ndeshjen kundër Sllovenisë, jemi në formë shumë të mirë, të gjithë lojtarët janë të shëndetshëm. Vetëm unë s’mund të jem pjesë për shkak të dy kartonëve të verdhë”, deklaroi Muriq për FFK.
“Më vjen keq për mungesën time. Do të ishte më e lehtë sikur të luaja. Nëse skuadra humb pa mua, më dhemb më shumë.”
“Ne nuk kemi frikë. Nuk ka tension apo energji negative në ekip për ndeshjen e radhës. Dhe nuk duhet të kemi frikë ta luajmë ndeshjen. Nuk kemi presion, vetëm energji pozitive. Kur i shikoj lojtarët, më duket që të gjithë e ndiejnë njësoj. Të gjithë janë të motivuar, kjo më jep ndjesi shumë pozitive.”
“Sinqerisht, nuk e kam menduar sepse aktualisht po luftojmë për vendin e parë. Nuk jam i sigurt se do të firmosja për vendin e dytë, do të rrezikoja për më shumë.”
“Çdo kundërshtar e ka të vështirë të luajë në Kosovë. Mendoj se kemi më shumë gjasa të fitojmë sesa ata. Ndihem shumë mirë të luaj këtu, do ta doja shumë një ndeshje të tillë. Ndeshja ndaj Republikës Çeke në Prishtinë ishte shumë e veçantë. Edhe ajo ndaj Suedisë 2:0 ishte shumë e bukur. Pep gjithmonë ka qenë shumë i mirë me mua, gjithmonë thoshte se do të më mësonte se isha ende i ri, nuk i ndëshkonte futbollistët dhe gjithmonë ishte pozitiv. Ai ka qenë vërtet i jashtëzakonshëm. Ishte një ëndërr të stërvitesha me të”, shtoi ai.
