Asllani ndez ëndrrën kuqezi – Shqipëria në play-off të Botërorit!
Shqipëria vazhdon të shkruajë historinë! Me një fitore të pastër 1-0 ndaj Andorrës, ku ylli Kristjan Asllani shkëlqeu sërish, kuqezinjtë sigurojnë vendin e dytë në Grupin K dhe sigurojnë për herë të parë pjesëmarrjen në „play-off“ të Kupës së Botës!
Në një mbrëmje emocionesh, ku kombi priste me zemër të ngrirë, djemtë e Sylvinhos treguan durim, karakter dhe vendosmëri. Përballë një Andorre të mbyllur si „fortesë“, kuqezinjtë luftuan deri në minutën e 67-të, kur talenti i Interit, Kristjan Asllani, shpërtheu entuziazmin!
Një kundërsulm vrastar, një pasim perfekt nga Myrto Uzuni dhe një goditje mjeshtërore nga Asllani – topi në rrjetë dhe stadiumi shpërthen! Shqipëria kalon në epërsi dhe nuk e sheh më pas kurrë! Pak minuta më vonë, Rey Manaj ishte pranë golit të dytë, por fati nuk ishte me të.
KRISTJAN ASLLANI WITH THE BEAUTIFUL FINISH TO GIVE ALBANIA THE LEAD IN THE WC QUALIFIERS!!!!!!!!! ANDORRA LOSING AT HOME
Andorra 0-1 Albania
— (fan) UtdGiggs (@XUtdgiggs) November 13, 2025
Me këtë sukses – fitorja e tretë radhazi me rezultatin 1-0 – Shqipëria përforcon imazhin e një skuadre solide, të vendosur dhe të rrezikshme në çdo moment. Dhe lajmi fantastik vjen nga ndeshja tjetër e grupit: Serbia humbet ndaj Anglisë, duke çelur rrugën për ne!
Kombëtarja jonë e zemrës e mbyll grupin në vend të dytë dhe përgatitet për betejën e madhe: „play-off“-in e Botërorit! Ëndrra është e gjallë dhe më afër se kurrë. Jemi një hap larg historisë!
