Federata e futbollit e Kosovës ishte pranuar në UEFA në vitin 2016. Kampioni i atëhershëm, FC Feronikeli dhe fituesi i Kupës së Kosovës, FC Prishtina, ishin paraparë të luanin në dy garat e atëhershme ekzistuese, në Ligën e Kampionëve dhe Europa Ligë.
Trepça ’89 dhe Prishtina, dy skuadrat e para kosovare në Evropë
Por, as Feronikeli dhe as Prishtina ende nuk i kishin përmbushur kriteret, e as FFK s’ishte e gatshme dhe as nuk kishim infrastrukturë të duhur sportive. Ndërsa, UEFA nuk ishte krejtësisht e pamëshirshme, i kishte kompensuar dy klubet me paratë e pjesëmarrjes së raundit të parë, edhe Feronikelin edhe Prishtinën. Ishte ky një ngushëllim jo aq i vogël, në fakt ishte infusion shumë i madh për të dy klubet.
Në vitin pasues, lufta për titull kampioni ishte e zjarrtë ndërmjet Trepçës ’89 dhe Feronikelit, e cila megjithatë kjo e fundit mbeti vetëm e 4-ta në klasikfim, kurse skuadra e “minatorëve” ishte shpall kampion për herë të parë në histori të klubit, dhe të fundit njëkohësisht. Skuadrës i kishte prirë trajneri i tanishëm i Dritës, Zekerija Ramadani. I pari titull i Ramadanit në nga katër sa ka tani me katër skuadra të ndryshme.
Titulli i ’89-shit nuk ishte kontestuar nga askush, por Prishtina dhe sidomos Feronikeli ishte ankuar deri në instancat më të larta për licencimin e ’89-shit, me pretendimin që nuk i kishte plotësuar kushtet.
Prishtina, e cila kishte nisur mjaft mirë kampionatin, pastaj kishte ngelur shumë gjatë edicionit, duke i ndërruar tre trajner rrugës, Kushtrim Munishi, Lutz Lindeman dhe në fund, me trajnerin e tanishëm, Arsim Thaçi, ishte pozicionuar e 2-ta.
Vendi i dytë nuk mjaftonte për dalje në Europa Ligë
Pritej finalja e Kupës së Kosovës, ndërmjet Llapit, e 3-ta në klasifikim, që rrugës kishte eliminuar kampionët e Feronikelit dhe Besa me shumë probleme financiare, por me ekip të jashtëzakonshëm e që rrugës kishte eliminuar Prishtinën dhe Dritën.
Finalja e famshme ishte zhvilluar në stadiumin e Trepçës ’89 “Riza Lushta”. Ky takim kishte zgjuar kërshëri të madhe dhe interesa të ndryshme. Besa nuk ishte e licencuar dhe luante për prestigj. Por, luante edhe për Prishtinën! Fitorja e Besës dërgonte në Evropë për herë të parë Prishtinën, kurse Llapin e dërgonte vetëm fitorja në finale.
Besa kishte triumfuar pas penalltive. Kurse, legjendë urbane kishin mbetur fjalët e trajnerit dhe pronarit të Llapit, Tahir Batatina, “Kurrë më nuk do t’ia lë rastit!”.
Ramadani treneri i parë, Thaçi kosovari i parë
Në historinë e pjesëmarrjes së skuadrave tona në Evropë, pa dyshim duhet përmendur trenerin ndër më të suksesshmit të kampionatit të Kosovës, Zekerija Ramadani, i cili jo vetëm që ka 4 tituj kampioni, por është treneri i parë që ka udhëhqur një skuadër kosovare në Evropë. Të martën e 27 qershorit të vitit 2017, nga ora 19:00 me orë lokale të kryeqytetit të Ishullit të vogë të Farove, Trepça ’89, me trajnerin Ramadani, shkruan historinë e gares ekipore të skuadrave të futbollit tonë.
Megjithëse ndeshja ishte humbur, qoftë edhe minimalisht prej 2:1 dhe “minatorët” mbanin barazimin në “xhep” nga minuta e 39-të, deri 73-të, nuk kishte lënë shije të mirë, megjithë shpresës për ndeshjen kthyese (!), në anën tjetër, treneri i parë kosovar që kishte udhëhequr një skuadër vendore, dy ditë më vonë, kishte pësuar shumë keq.
Pra, Arsim Thaçi, dy ditë më vonë, në Norrkoping të Suedisë, ishte bërë trajneri i parë kosovar që i printe në Evropë një skuadre kosovare. Kishte realizuar ëndrrat e shumë trajnerëve tjerë kosovar, sidomos shumë emrave-trajner të Prishtinës që i kishin prirë skuadrës më parë.
Por, ajo natë u pati shndërruar pothuajse në tragjike. Jo vetëm që kishte pësuar humbje të rëndë prej 5-0, por të gjitha golat ishin pranuar për gjysmë ore lojë, nga minuta 10-të, deri 40-të.
Prishtina ishte paraqitur denjësisht në ndeshjen kthyese duke u mposhtur minimalisht, 1-0, ndryshe prej Trepçës ’89, që ishte bërë “hor” para stadiumit të stërmbushur “Adem Jashari”, 1-4.
Vazhdon me statistikat e trajnerëve…
Be the first to comment