Java e katërt në ProCredit Superligën e Kosovës në basketboll sjell përballje tejet interesante, me derbin e javës që zhvillohet mes dy skuadrave që nuk kanë njohur humbje deri më tani.
Të shtunën në ora 17:00, Bashkimi pret Sigal Prishtinën në një duel të skuadrave me nga tri fitore në po aq ndeshje, çka e bën këtë sfidë vendimtare për kreun e tabelës.
Në vazhdim të së shtunës, nga ora 19:00, zhvillohet edhe një tjetër ndeshje e fortë: Trepça përballet me Golden Eagle Ylli, në një tjetër sfidë me peshë për pozicionimet në klasifikim.
Java mbyllet të dielën me dy përballje të tjera:
-
GO+ Peja – Rahoveci 029 (ora 17:00)
-
Vëllaznimi – Bora (ora 19:00)
