Shqipëria ka vazhduar përgatitjet për ndeshjen miqësore me Gjibraltarin dhe atë kualifikuese me Letoninë.
Kombëtarja është e grumbulluar në Malaga të Spanjës, ndërsa miqësorja në Gjibraltar është të enjten.
FSHF-ja ka njoftuar se portieri i Kombëtares U21, Simon Simoni, është bashkuar me Kombëtaren A për shkak të lëndimit të Elhan Kastratit.
Kastrati e ka një lëndim në gju. Ai është paraqitur në grumbullim, por është liruar.
Më herët u largua Ardian Bajrami, që refuzoi të grumbullohej duke pritur Zvicrën, ndërsa Ylber Ramadani ishte i lënduar.
