Gjilani ka zyrtarizuar afrimin e mbrojtësit me përvojë, Astrit Thaqi, ashtu siç raportoi ekskluzivisht “Kërlaçki” ditë më parë.
Thaqi kalon te gjilanasit nga Ballkani, ku ishte pjesë e suksesit historik të klubit në futbollin vendor dhe arenën ndërkombëtare.
Më herët, ai ka qenë pjesë edhe e Feronikelit dhe Dritës, duke qenë pjesë e rëndësishme e suksesit të këtyre skuadrave.
Me eksperiencën dhe stilin e tij luftarak në repartin defansiv, 27-vjeçari pritet të sjellë siguri në mbrojtjen e Gjilanit, në një sezon ku skuadra ka ambicie të qarta për rezultate të larta.
Thaqi shihet si një përforcim kyç për objektivat e klubit në edicionin e ri të Superligës së Kosovës.
