Kosova U16 në basketboll ka pësuar humbjen e katërt radhazi në Kampionatin Evropian, Divizioni B, që po zhvillohet në Maqedoninë e Veriut. Djelmoshat tanë u mposhtën nga Ukraina me rezultatin 77-55 (16:18, 19:13, 25:10, 17:14).
Pas një pjesë të parë të vështirë, përfaqësuesja jonë u tregua më e barabartë në lojë gjatë pjesës së dytë, por nuk arriti të mbante ritmin e lartë të ukrainasve, të cilët dominuan periudhën përmbyllëse.
Nga radhët e Kosovës u dalluan Egzon Fazliu me 15 pikë dhe Albion Syla me 11 pikë.
Pas kësaj ndeshjeje, bilanci i Kosovës është 0 fitore dhe 4 humbje. Ndeshja e radhës do të jetë ndaj Islandës, ku skuadra jonë do të kërkojë një paraqitje më të mirë dhe fitoren e parë në kompeticion.
