Janë zyrtarizuar datat dhe oraret për ndeshjet e raundit të tretë kualifikues të Ligës së Evropës dhe Konferencë Ligës, ku dy përfaqësues të futbollit kosovar, Drita dhe Ballkani, do të vazhdojnë rrugëtimin, përcjellë “Kërlaçki”.
Steaua Bukuresht – Drita
Skuadra e Dritës do të përballet me gjigantin rumun Steaua Bukuresht (FCSB).
Ndeshja e parë do të zhvillohet të enjten, më 7 gusht 2025, në Bukuresht, me fillim nga ora 20:30.
Takimi i kthimit do të luhet një javë më vonë, më 14 gusht 2025, në stadiumin “Fadil Vokrri” në Prishtinë, duke filluar nga ora 20:00.
Ballkani – Shamrock Rovers
Ndërkohë, kampioni i Kosovës, FC Ballkani, do të përballet me skuadrën irlandeze Shamrock Rovers.
Ndeshja e parë luhet po të enjten, më 7 gusht, në stadiumin “Fadil Vokrri” në Prishtinë, me fillim nga ora 20:30, ku Ballkani do të jetë nikoqir.
Ndeshja e kthimit do të zhvillohet më 14 gusht, në Dublin, me fillim nga ora 20:00 (sipas kohës lokale në Kosovë).
Të dy klubet kosovare synojnë të vazhdojnë sukseset në skenën ndërkombëtare dhe të sigurojnë kualifikimin tutje.
