Marseille shënoi fitoren e shtatë radhazi në shtëpi në Ligue 1 – për herë të parë pas më shumë se një dekade – duke mposhtur 1-0 kampionët e Francës dhe të Europës, Paris Saint-Germain, dhe duke i dhënë fund ecurisë së tyre perfekte në kampionat.
Ndeshja u luajt me gati 24 orë vonesë për shkak të motit të keq, dhe PSG u gjend në disavantazh pas vetëm katër minutash. Pas një goditjeje këndi të Mason Greenwood, portieri Lucas Chevalier largoi topin pa siguri, duke i lejuar anglezit ta rikthente në shtyllën e dytë. Përfundimisht, pas një devijimi nga Willian Pacho, Nayef Aguerd shënoi me kokë, por edhe pse goli pati fat, Chevalier duhet të kishte reaguar më mirë ndaj goditjes së marokenit.
🔵⚪️ For the first time in 14 years, Marseille beat PSG in Ligue 1 at the Velodrome! This is what it means to them. 🤯🔊 pic.twitter.com/maOKUkTax8
— EuroFoot (@eurofootcom) September 22, 2025
Atmosfera në “Vélodrome” ishte e zjarrtë, por PSG u përpoq të hynte në lojë. Vitinha pati rastin e parë serioz në minutën e 17-të, por gjuajtja e tij u ndal nga Gerónimo Rulli. Nga ai moment e deri në pushim, parizienët krijuan pak rrezik, ndërsa mund të kishin pësuar golin e dytë: Amine Gouiri goditi traversën në një kundërsulm të shpejtë, Emerson Palmieri realizoi një gol të anuluar për pozicion jashtë loje, ndërsa Khvicha Kvaratskhelia provoi pa sukses me një gjuajtje të harkuar.
For 14 years, Marseille couldn’t beat PSG in Ligue 1 at the Vélodrome… until Mason Greenwood arrived 🤯
Did you see that assist from Mason to Aguerd
pic.twitter.com/78KbsrEyR3— Kara (@UTDKara) September 22, 2025
Në pjesën e dytë, PSG dominoi topin por jo rastet. Rulli u shfaq vendimtar duke ndalur një goditje të Achraf Hakimit, ndërsa një tjetër tentativë nga Vitinha konfirmoi vështirësinë e kampionëve për të depërtuar në mbrojtjen kompakte të Marseille-s, duke u detyruar të provonin nga distanca.
I dëmtuar nga mungesat e Bradley Barcola, Désiré Doué, João Neves dhe Ousmane Dembélé, trajneri Luis Enrique (i shpallur trajneri i vitit në ceremoninë e “Topit të Artë”) aktivizoi Lee Kang-in dhe adoleshentin Senny Mayulu për të kërkuar barazimin. Nga ana tjetër, Greenwood humbi mundësinë për të vulosur ndeshjen në minutën e 81-të, duke e gjatëshuar shumë topin pas një pasimi nga Pierre-Emerick Aubameyang, i cili më pas kërkoi një penallti të paakorduar dhe u ndal nga Chevalier në kohën shtesë.
HEATED SCENES at full time as Marseille beat PSG 1-0 in La Classique! 😳
Nayef Aguerd’s 5th minute header proved enough, as Marseille beat PSG in the league at the Orange Velodrome for the first time since 2011! 🤯⚪️ pic.twitter.com/6IF9BOmJ1p
— Sleeper Football (@SleeperFooty) September 22, 2025
Në fundin e tensionuar të ndeshjes, trajneri i Marseille-s Roberto De Zerbi u përjashtua pas protestave ndaj gjyqtarit Jérôme Brisard, por skuadra e tij rezistoi dhe siguroi fitoren e parë ndaj PSG-së në 10 përballjet e fundit të Le Classique, duke u ngjitur në vendin e gjashtë të tabelës.
